Inkhel hautakah Opelka a chak

Nimin khan Dallas Open semifinal inkhel hmuhnawmah Reilly Opelka a chak. Tie break point 46 zet awmnah Opelka hian John Isner chu 7-6 (9-7), 7-6 (24-22) a hnehin final a lut.

Set hnih chauh khel mah se inkhel hautak a tling a, tie break bika point 46 ngawt awm hi ATP Tour history a ni phak hial. Final-ah chuan Opelka hian Jenson Brooksby a hmachhawn leh ang.

Vawi 39 ngawt aces siamtu Opelka chuan, "Hetiang thil hi chu tun hmaa la thleng ngai lo a ni a, a thleng leh har tawh viau mai thei bawk. Taksa mai bakah rilru pawh a chau," a ti.

6ft 10in zeta sang Isner hi chak lo mah se mellung phunnaah a tel thei viau. Wimbledon 2010-ah khan Nicolas Mahut nen darkar 11 chuang an inkhel a, tennis inkhela rei ber record siamnaah a lo tel tawh bawk.