Argentina-ah Casper Ruud hlawhtling

Argentina Open khelh zawh takah Casper Ruud chuan tualchhung tlangval Diego Schwartzman chu 5-7, 6-2, 6-3 a hnehin nomawi a chawi a, South America rama inelnaah hian vawi hnih a champion-na a ni.

Schwartzman ṭantu mipui 5000 chuang an pungkhawm a, world number 15 hi champion lai a nih bawk avangin nomawi a chawi leh ringtu pawh an tam - mahse Norway player zawkin set thum hnuah hnehna a chang.

Kum 23 mi Ruud hian Buenos Aires Lawn Tennis Club-ah hian record a nei ṭha ve bawk, match kua a khelh tawhah a la chak vek; inelna ṭum hnih hmachhawn tawhin a champion ve ve tihna a ni.

Casper Ruud chuan, "Ka tan chuan season bul ṭanna ṭha leh duhawm tak a ni," a ti. Australian Open-ah khan kerek hliam vangin a inhnukdawk a, kumina tournament a khelh hmasak a nih avangin atan a hlu zual.