Mellung phuntu Marcos Reus

Marcos Reus chuan Borussia Dortmund tan sulhnu ṭha a hnutchhiah mek zel. German forward hian Dortmund tan inelna hrang hrangah goal 151 a khung tling ta a, a club hmangaih tan mellung pawimawh a phun.

Kum 32 mi Reus hian Pathianni zan khan Union Berlin lakah goal hnih khungin 3-0 in an chak, goal pakhat hi Raphael Guerreiro khung a ni thung; mualneitu Berlin lamin a chhanletna an nei lo.

Dortmund hi an chetsual fo avangin Bundesliga table-ah Bayern Munich an sang fal tawh. Amaherawhchu, Bavarians chetsual laiin Dortmund an chak ve leh ta a, an inthlauhna chu point rukah an sawr zim ve leh ta hret.