Kontaveit tan nomawi parukna

Estonia nula Anett Kontaveit chuan tennis a khelh hun chhungin nomawi paruk a chawi tling ve ta. Pathianni zana khelh zawh tak St. Petersburg final-ah seeded pakhatna Maria Sakkari chu 5-7, 7-6 (7/4), 7-5 in a hneh.

Hmeichhe tennis player zingah ṭha taka khel rei thei an tam lo, a bik takin tun hnaiah an tlem zual. Kum 1990 hnu lamah Kontaveit hi indoor match bikah a zawna vawi 20 chak thei player parukna chauh a la ni.

Nomawi chawi tur erawhin a awlsam vek bik lo, set pahnihah a service a hloh hmasa ve ve. Mahse, a tawp lamah a tho chhuak thei a, darkar thum chuang hret an inkhelh hnuah a dingchang ta zawk.

WTA ranking chhuak tharah chuan kum 26 mi Kontaveit hi number 6 a ni mek.