Scottish Cup-ah Celtic chak

Celtic chuan Scottish Cup quarterfinal lut turin Raith Rovers chu 4-0 in an sawp a, Liam Scales, Giorgos Giakoumakis, Daizen Maeda leh Nir Bitton ten goal khat ṭheuh an khung.

Scottish Championship lakah awlsam taka an chak chungin manager Ange Postecoglou lawm a kim lo a, Greek-Australian coach chuan, "First half kan khel ṭha tawk lo a, kan thawkrim tawk lo a, a nih tur angin kan khel lo a, second half-ah kan zia zawk a ni," a ti a, an goal khung zinga goal thum hi minute 60 hnu lama lut a ni.

Inrinni zan khan Rangers pawhin Scottish Cup-ah hian Annan Athletic chu 3-0 in an lo hneh tawh a, Filip Helander, Fashion Sakala leh Kemar Roofe ten goal khat ṭheuh an khung.

Nizan khan Scottish Cup fifth round match hnuhnung berah Peterhead FC leh Dundee FC an inkhel a, he thu buatsaih a nih lai hian result kan hre hman lo.