Friendly match-ah Eriksen a inlan

Thawhṭanni khan Brentford-in friendly match-ah Southend United XI an hmachhawn a, entu awm loa inkhelah hian Bees hi 3-2 in an chak.

Friendly match-ah hian player thar Christian Eriksen pawh darkar khat chhung a inlan a, goal khat a siamsak. Kum 30 mi Eriksen hi Euro 2020-a khelmuala lungphu chawl vanga a tluk hnuah tun hi match a khelh lehna hmasa ber a ni.

Danish midfielder hi implantable cardioverter defibrillator (ICD) vuah chungin a inkhel a, ICD vuah chunga inkhelh hi Serie A-ah a theih loh avangin a club khelhna hmasa Inter Milan nen nikum kum tawp khan inhriatthiam tawnnain contract an titawp.

Premier League-ah erawh ICD vuah chunga inkhelh phal a ni a, Eriksen hian June 12, 2021-a Denmark aiawha Iceland a hmachhawn hnuah competitive match a khelh thuai a rinawm.