Thutlukna ka siam sual - Conte

Tottenham Hotspur-in match hnuhnung pahnihah Southampton leh Wovelverhampton Wanderers te an hneh lo a, goal nga ngawt an chhuah.

Spurs boss Antonio Conte chuan inkhelh pahnihah hian defender Joe Rodon chu bench-ah a ṭhut tluantir ve ve. Kum 24 mi Rodon hian kum 2020 khan Swansea City aṭangin pound maktaduai 11-in Spurs hi a zawm.

Italian manager Conte chuan, "Mi ṭha tak chungchang kan sawi a, nitinin a theihna zawng zawng a lantir ṭhin. Chutihrualin tun dinhmunah chuan player dang kan thlan avangin thutlukna kan siam sual a ni thei. Kan tum chu khelmuala player ṭha ber rem khawm a ni a, ngaihtuahna hman ṭhat leh te pawh a ṭul ang," tiin a sawi.

Tottenham hian February 19, Inrinni zan dar 11:00 hian Eithad Stadium-ah Manchester City an mikhual dawn a, a zawna vawi thum an tlawm loh nan tlarhnung rem phui a ṭul khawp ang.

Spurs hian match 22 khelh zawhah point 36 an hmu a, pariatnaah an awm mek. Conte hote hi Champions League khel pha turin hmabak a ko a, an hmelma Arsenal chunga awm pawh a awlsam dawn lo.