Season tawpah Bale a chhuak dawn - Ancelotti, Real manager

Tun season tawpah Real Madrid-a Gareth Bale contract a zo dawn a, Carlo Ancelotti chuan Welsh international hian Santiago Bernabeu a chhuahsan dawn tih a sawi.

Real Madrid manager Ancelotti chuan, "Kan inkar boruak a ṭha a, midang ang thoin zahna a lantir a, minti hnual ngai lo. A hun hmasa lamah chanchin duhawm lo deuh te a nei tawh ṭhin a, tunah erawh ṭha taka hun tawp hman a duh.

"Bale hian Real Madrid hi Champions League leh Copa del Rey-ah te champion pui tawh a, ṭha taka season khar hi a tan pawh a ṭha a ni," tiin a sawi.

Kum 32 mi Bale hian kum 2013 khan Tottenham Hotspur aṭangin Real Madrid hi a zawm a, Champions League nomawi pali bakah La Liga nomawi pahnih a chawipui. Kar liam taa Villarreal nen goal awm loa an inhnehtawk ṭumin bul a ṭan a, August thla hnua club tana bul a ṭanna hmsa ber a ni.

Los Blancos hian nizan khan Champions League last 16-ah PSG an hmachhawn a, result kan hre hman lo. La Liga-ah hmahruaitu a ni mek a, Bale hian nomawi a chawi belh leh ngei a rinawm.