Spurs dan theih loh Bulls

Nimin zing NBA regular season inkhelah Chicago Bulls chuan San Antonio Spurs lakah 120-109 in hnehna an chang a, season ṭha tak an hman chu an chhawm nung zel - an match hnuhnung paliah an chak fai vek.

Bulls tan DeMar DeRozan-a'n minute 35 a khelh chhungin point 40 zet a nei hman a, assist vawi sarih nei bawkin player mala thawh hlawk ber a ni. Nikola Vucevic (25 points) leh Coby White (24) ten an thlawp ṭha bawk, quarter pali an khelh zinga pathumah an chungnung thei.

San Antonio tan bench aṭanga lut Lonnie Walker-a'n point 21 a nei a, ani bak hi point 20 nei tling phak an awm lo. Player dang paliin point 10 chuang chu nei ve bawk mah se Bulls hneh nan chuan a tawk zo lo.

Inkhel dangah Golden State Warriors chu Los Angeles Clippers lakah 104-199 in an chak lo. Warriors hi tun hnaiah an chesual fo a, season kal laiah vawi 16 zet an tlawmna a ni ta.

Western Conference table-ah erawh GSW hi pahnih an la ni chhunzawm zel, an chungah Phoenix Suns chiah an awm. Suns hi nikum ang bawkin an che ṭha leh a, pahnihna ai hian vawi li ngawta an chak tam tawh avangin pawh thlak an harsa tawh ang.