Last 16-ah Carlos Alcaraz a lut

South America rama tennis inelna Rio Open khelh mek a ni a, nimin zing khan Carlos Alcaraz chuan Jaume Munar chu 2-6, 6-2, 6-1 a hnehin clay court tournament-ah hian last 16 a inhlangkai.

Spanish tlangval Alcaraz tan Rio hi hmun pawimawh a ni a, season hnih liam ta khan Rio khawpuiah hian a inlan ṭan a, professional match-a hnehna a chan hmasak berna hmun niin hemi hnu hian hma a sawn zel.

Nikum khan Umang-ah a nomawi hmasa ber a chawi a, tun dinhmunah world number 29-ah a invawrh kai tawh - kum 18 mi chauh a la nih avangin hmabak a nei êng hle.

Inkhel dangah Pablo Andujar chuan Pablo Cuevas 7-6 (2), 7-5 in a hneh a, thleng sang tura rinkai zinga mi Pedro Martinez erawh Chinese tlangval Shang Juncheng lakah 6-3, 6-4 in a tlawm thung.