Booker leh Paul ten Suns chakpui

Phoenix Suns chuan Los Angeles Clippers 103-93 in an hneh, tun hnai an match hnuhnung 20 aṭangin vawi 18 zet hnehna an chang - NBA regular season kal laia team kaltluang bera chhal ngam

an ni.

Match hnuhnung vawi 20-a an chak lohna pahnihah hian Miami Heat leh Atlanta Hawks te an ngam lo, team dang 18 erawh an hmaa ding apiang an ngam zel tihna a ni; Western Conference hmahruaitu an nihna a nghet ta hle.

Chris Paul (17 points) leh Devin Booker (26) ten an mawhphurhna an hlen chhuak leh; Paul hian assist vawi 14 nei bawkin double-double nei thei awmchhun a ni. Point 19 neitu Mikal Bridges leh Deandre Ayton te an khel ṭha bawk.

Nimin zing inkhel dangah Giannis Anteto-kounmpo-a'n Milwaukee Bucks chu Indiana Pacers lakah 128-119 in a chakpui. NBA champion lai Bucks tan Giannis hian point 50 a nei a, season kal laia match khata point a neih hnem ber ṭum a ni.