Pogba a hmanhmawh lo

Manchester United midfielder Paul Pogba-a'n a hmalam hun a la tichiang lo a, French midfielder hian kumin June thla thleng chauh Old Trafford-ah hian contract a nei tawh.

Pogba leh Man United hian inremna an la nei lo a, nikum July thlaa an inbiak kha an inbiak hnuhnun ber a ni. Tun season-ah Pogba hi a la khel mumal lo a, league match 12 chauh la khelin goal khat a khung tawh.

French midfielder hi Paris Saint Germain nen sawizawm a ni a, French club ṭha ber hi Pogba bakah Mauricio Pochettino thlak nan manager Zinedine Zidane an lalut dawn niin sawi a awm bawk.

German manager lailawk Ralf Rangnick-a'n season tawpa a contract a tawp dawn nachungin Pogba-a'n hmun pawimawh chan tur thu a sawi a, match hnuhnung paliah a khel vek. Chutihrualin Brighton nen erawh bench aṭangin a lut

thung.