Last 16-ah Verdasco a lut

Rio Open khelh laiah Fernando Verdasco chuan Dusan Lajovic chu 7-6 (4), 6-3 a hnehin last 16 a lut. Kum 38 mi Verdasco hian 2019 hnua a vawi khat nan ATP 500 competition-ah a thiam zual 16 zingah a inhlangkai ve leh chiah.

Verdasco hi a vanglai chuan ranking-ah pawh a sang zual 10 zingah a tel phak ṭhin. Mahse, a vanglai a pelh tawh bakah a inkhel tam lo, tunah chuan world number 172 a ni mek.

Spanish tlangval Verdasco chuan, "Ka tan chuan Rio Open hi tournament pawimawh tak a ni, he hmunah hian tun hma pawhin sulhnu ka lo nei tawh ṭhin, a lunglen thlak zawng pawhin a ngaihtuah theih," tiin a sawi.

Inkhel dangah seeded pangana Federico Coria chuan Christian Garin chu 6-2, 6-0 in a hneh ve bawk; last 16-ah chuan Coria leh Verdasco te hi an inhmachhawn leh ang.Last 16-ah Verdasco a lut