Adeyemi hmalam a la chiang lo

RB Salzburg forward Karim Adeyemi chu nipui bazara Borussia Dortmund a lut turin thuthang a awm a, amaherawhchu amah berin a hmalam hun la chian loh thu a sawi.

Kum 20 mi Adeyemi chuan, "Salzburg tan ka rilru zawng zawng ka pe. Borussia Dortmund nen inremna kan la nei lo a, thuchiang a awm lo. Nipuia thil thleng tur chu nipuiah a chiang chauh ang," tiin a sawi.

Salzburg-in nizan khan Bayern Munich an hmachhawn a, Bavarians academy-ah hian Adeyemi hi a awm tawh ṭhin. Germany international Adeyemi hian German champion a zawm zawk a nih pawhin a mak lo ang.