Murray-a'n phuba a la

Andy Murray chuan Australian Open khelh zawh taka a ngam loh Taro Daniel a hmachhawn leh a, tun ṭumah chuan a chak zawk a ni. Britain tlangval hian 6-2, 6-2 a hnehna changin Qatar Open last 16 a lut.

Grand Slam vawi thum champion tawh hian Melbourne Park-ah khan beisei a phak lo. Tun ṭumah erawh a tir aṭangin kawng tinrengah a chungnung zawk a, harsatna lian tham tawk loin a tlang.

Kum 34 mi Murray hian a match lehpekah chuan seeded pahnihna Roberto Bautista Agut a hmachhawn ang. Tun hnaiah Murray a inkhel tam ve leh ta deuh a, ranking-ah pawh number 87 a ni ve leh phak tawh a ni.

Tun hnai kum li chhungin ranking sang zual 100 zinga a tel lehna hmasa a ni a, hmabak a la nei thui hle. Clay court season a hman dawn loh avangin Wimbledon atan inbuatsaihna a nei tam tawk dawn lo, hard leh grass court-a match khelh theih zawng zawng chu khelh a tum ang.