MiCA-in Maawma hmuak dawn

Mizoram Cycling Asso-ciation (MiCA) vice president C. Lalawmpuia chuan Aizawl aṭanga Kolkata thleng thirsakawrin a inkhalh thleng. Aizawl Dawrpui Veng a khawsa Maawma'n vawiin hian Lengpui a rawn thleng dawn a, a hnathawh ropui tak avangin MiCA-in an hmuak dawn.

Maawma hi Zofate zinga Aizawl aṭanga Kolkata thirsakawr inkhalh thleng hmasa ber a ni a, ni 15 chhung a sur a sa hnuaiah 1574.42 km zet a inrap a, darkar 100.39 hun a hmang. January 26 khan Maawma hian Aizawl a chhuahsan a, February 15 khan Kolkata a thleng.

Kolkata Mizo Welfare pawhin Mizo tlangval tuarchhel leh huaisen hi entawntlak tiin chawimawina an lo hlan tawh. MiCA chuan vawiin hian Airport kiangah amah lawmna hun an buatsaih dawn a, thirsakawr khalh mite a tel vek turin

a sawm.

Cycle hmanga airport pan tum a ni a, Maawma hmuak turte chu chawhma dar 11:00-ah Singson Petrol Pump, Hunthar veng ah kim turin an inngen a ni.