Mason Mount dinhmun a chiang lo

Chelsea midfielder Mason Mount chu tun kar tawpah a inkhel thei dawn nge dawn lo tih a la chiang lo. Blues hian zanin dar 8:00-ah Premier League match khel turin Crystal Palace an lenchilh ang.

Club World Cup khelh dawn khan Mount hi a la dam chiang lo, mahse final-ah a inlan. Amaherawhchu a kerek na vangin thlak a ngai, minute 90 inkhel turin a la inpeih lo tihna a ni.

Chelsea manager Thomas Tuchel chuan, "Hliam a nei, a kerek na a tih avangin inkhel lui chi a ni lo, ka dinhmun kha ka hnenah a rawn sawi," tiin a player chungchang a sawi tawh a, tun karah erawh training chu a nei thei leh tawh.

London club hian Clup World Cup an chawi hlim a ni a, an phur vanglai tak a ni. Hliam vanga chawl ṭhenkhat awm mah se an squad a chhah ṭha tawka, zaninah pawh chak zawk tura rinkai an ni ang.

Mahse, Palace hi Patrick Vieira enkawlna hnuaiah an insiam ṭha ve viau; Selhurst Park-ah phei chuan team lian zawkte pawh an hlau bik lo, tun ṭumah pawh hian point hmuh tumin an khel ngam ngei ang tih a rin theih.