MiCA-in Maawma an hmuak ropui

Aizawl aṭanga Kolkata thleng thirsakawra inkhalh thleng C. Lalawmpuia chu nimin khan Mizoram Cycling Association (MiCA) in ropui takin Lengpui Airport-ah an hmuak.

Aizawl Dawrpui Veng a khawsa Maawma hmuahna banner-ah MiCA chuan, "Pu Maawma, Mizo cyclist-te thawm thang ṭha min chhuahsak avangin kan chawimawi a che," tih an ziak a, cyclist ṭhahnem takin Lengpuiah hian an hmuak a ni.

MiCA vice president Maawma chuan, "Kum 48 ka ni a, kei aia nau-pang leh upa zawkte pawn in ti thei tih ka hmu chiang hle a ni," tiin cyclist dangte pawhin an theih thu a sawi.

January 26 khan Maawma hian Aizawl a chhuahsan a, February 15 khan Kolkata a thleng. Kilometre 1575.42 a thui a inkhalh a, darkar 100.39 hun a hmang a ni.