Ferrari F1 car thar an tlangzarh

Formula 1 team hlun Ferrari chuan tun season atana an car tur an pho chhuak a, a hming chu 'F1-75' niin a sen mawi lehpek hle. Team lam chuan hmasawn pui theih ngei an in beisei thu an sawi.

Italian team hian 2020 khan beisei an phak lo a, kum 40 chhunga season an hman chhiat ber ṭum an tawng. Nikum pawh khan team championship lamah pathumna an ni a, team ṭha tan tluk loh pahnih neih hi zahna tur a ni tling.

Team principal Mattia Binotto chuan, "F1 season tharah inkaihhruaina ṭhenkhat a danglam dawn, chumi mil tur tak chuan car pawh kan siam," a ti. Ferrari driver Charles Leclerc pawhin an hlawhtlinpui theih a beisei thu a sawi ve bawk.