Mavericks chakna Doncic

Nimin zing NBA regular season inkhelah Luka Doncic-a'n a thiam thil a lantir a, point 49 zet a neih bakah rebound vawi 15 la bawkin Dallas Mavericks chu New Orleans Pelicans lakah 125-118 in hnehna a chanpui.

Mavericks hian inkhel bul an ṭan fuh hle a, quarter hmasa berah 45-27 zeta an san fal avangin a tawp thlengin an chungnung. Player langsar Doncic hian assist vawi riat a nei tel, triple double a neih phak lohna hi assist pahnih chauh a ni hial.

All Star Game hma an match hnuhnungah hian Jalen Brunson (23 points), Maxi Kleber (20) leh Dorian Finney-Smith (14) te pawh an khel ṭha hle. Mavericks hian tun hnai an match hnuhnung pasarihah vawi ruk hnehna an chang.

February 20, Pathianni hian NBA All Star 2022 khelh a ni dawn a, player ṭha zual bik ten an thiam thil an lantir dawn.

NBA - Nimin Results
Miami Heat 111 - 107 Charlotte Hornets
Washington Wizards 117 - 103 Brooklyn Nets
Dallas Mavericks 125 - 118 New Orleans Pelicans
Philadelphia 76ers 123 - 120 Milwaukee Bucks
Houston Rockets 111 - 142 Los Angeles Clippers