Del Potro khup a hliam

Juan Martin del Potro chu a khup hliam vang­in Shanghai Masters last 16 khel zo thei loin a in­hnuk­dawk, hetihlai hian champion lai Roger Federer leh Novak Djoko­vic te erawhin harsatna nei loin an khingpui an hneh thung.

Ningani inkhelah Del Potro hi Borna Coric nen inhmachhawnin, set hmasa zawk hi Coric-a'n 7-5 a lak hnuin Argentine tlangval hi a khup hliam vangin a khel zui thei tawh lo - inelna hnuhnung zawk China Open-ah pawh natna nei chungin a lo inlan tawh a ni.

Rafael Nadal, Federer leh Djokovic te ang thoin Del Potro hi ATP Finals khel turin a tling tawh a, mahse hliam a neih takah chuan a thiam pariat inelna tur hmun London a pan thei dawn em tih chu a chiang ta rih lo.

Last 16 inkhel dang­ah Novak Djokovic chuan 6-4, 6-0 in Marco Cec­chinato a hneh a, world number 2 Federer pawhin Daniil Medvedev chu 6-3, 2-6, 6-4 in a hneh ve bawk. Shanghai-ah hian seeded chang phak Alexander Zverev chuan Britain tlangval Kyle Edmund chu darkar khat leh minute 12 chhungin 6-4, 6-4 a hnehin semifinal a inhlangkai.