Goal mawi leh Substitution awmze nei

Anfield-ah Liverpool-in Norwich 3-1 in an hneh. Canaries-in Milot Rashica hmangin minute 48-naah goal an khung hmasa a, Reds-in minute 64-na aṭangin Sadio Mane bicycle kick mawi zet hmangin siphurh an sut ṭan a, Mohamed Salah leh Luis Diaz ten khung belhin 3-1 in hnehna an chang.

Liverpool-in hnehna an chan theih nan manager Jurgen Klopp a pawimawh a, Naby Keita leh Alex Oxlade-Chamberlain te aia Thiago Alcantara leh Divock Origi te a luhtir hnuin goal thum hi a lut. German manager Klopp chuan, "Norwich-in goal an venghim a, counter attack hmanga min nawr tho avangin ven an har. Player kha kan thlak ringawt lo a, kan khelh dan kan thlak bawk. 4-3-3 aṭanga 4-4-2 a kan thlak hnu khan dinhmun ṭhaah kan ding a, goal hmaah kan hlauhawm sawt," tiin a sawi.