Obi Toppin a ‘Dunk’ turu ber

NBA All-Star 2022-a Slam Dunk Contest-ah Obi Toppin a che pui ber a, boruaka a zuan laiin ball chu a mal hnuaiah in pe kualin basket-ah a vawm lut zui a, player ropui dangte huangah a hming a nem kai.

New York Knicks forward hi Jalen Green (Houston Rockets), Cole Anthony (Orlando Magic) leh Juan Toscano-Anderson (Golden State Warriors) te nen an inel a, a tawpah Toscano-Anderson nen hmawr bawkin a sang ta zawk.

6 ft 9 in a sang Toppin hi a dunk hmasa zawkah pawh a che mawi hle, boruaka a zuan kan lai thoin a hnung lamah ball la kualin a dunk a, entu mipui thawm a ṭha rem rem hle - a dunk hmasa zawk hian point 45 a hmu a, vawi hnihnaah point 47 a hmu thung.

Pahnihna dinhmun luahtu Toscano-Anderson hian a hmasaah point 39 neiin a hnuhnungah 30 a neih belh thung, an point pahnih hmuh belhkhawmah Toppin hi point 23-in a sang zawk.