Derby beiseina a nung zel

Wayne Rooney kaihhruai Derby County-in an elpui Peterborough United lakah 1-0 in hnehna an chang a, goal awmchhun hi injury time minute hnihnaah Louie Sibley-a'n chakna goal a khung a ni.

Pride Park Stadium-ah Derby an chungnung a, chutihrualin Peterborough player Hayden Coulson-a'n red card an hmu chungin Rams-in goal an khung thei lo.

Second half ṭan chiahah captain Tom Lawrence chu hnawhchhuah a ni a, player 10 ve ve in an khel. Inury time-ah Sibley-a'n Manchester United midfielder hlui Ravel Morrison-a siamsak chu chakna goal khung nan a hmang.

Rams hian sum dinhmun ṭhat loh vangin hrem an tawk mek a, point 22 an paihsak chungin Derby hian point 21 an hmu. Rooney hote hi relegation zone-ah la awm mah se an chung chiaha awm Reading nena an inkarah point nga chiah a awm.