Juve leh Torino inhnehtawk

Inrinni zan Serie A inkhelah Juventus leh Torino te 1-1 in an inhnehtawk. Turin club ṭha pahnih inkhel hi Derby della Mole tih a ni a, mual neitu tan Matthijs de Ligt-a'n minute 13-na leka a tauh luh hnuah Torino tan Andrea Belotti-a'n minute 62-naah siphurh a sut.

Juve-in match 26 aṭangin point 47 an hmu a, palinaah awm chhunzawm mah se point hnih an hloh avangin an hnuaia awm Atalanta tan umphak theih an ni.

Massimiliano Allegri hote hian February 22, Thawhlehni zanah Villarreal an hmachawn dawn a, Serie A nomawi beisei thei chiah tawh lo mah se Champions League Coppa Italia-ah beisei tur an la nei thung.

Inkhelh dangah hma-hruaitu AC Milan pawh Salerinitana-in an chelh a, 2-2 in an inhnehtawk. Nizan khan Inter Milan-in Sassuolo an mikhual a, hnehna an chang a nih chuan match khata khel tlem chungin hmahruaitu an ni thei ang.

February 18, Zirtawpni
Juventus 1 - 1 Torino

February 19, Inrinni
Sampdoria 2 - 0 Empoli
Roma 2 - 2 Verona
Salernitana 2 - 2 AC Milan