Manchester United ṭantuten TNT ṭanpui

Manchester United Foundation leh Manchester United Supporters’ Club (MUSC) - Mizoram chuan November 14, Inrinni khan TNT, Muanna Veng ṭanpui nan Rs 50,000/- (Singnga) an hlan.

MUSC - Mizoram hi nikum khan Manchester United hnuaiah 'official'-in an inziaklut a, kalphung mumal tak neiin awmze nei zawkin English club nen hian an inzawm.

Manchester United Foundation hian MUSC-Mizoram hnenah ṭanpui ngaite puih nan £500 an pe. Manchester United Foundation hi Manchester United FC hnuaia ṭanpuina lam buaitu an ni a, 26 Sir Matt Busby Way, Old Trafford, Stretford, Manchester-ah Office an nei a, charity mai bakah football zirtirna thlengin an kalpui 

a ni.

MUSC-Mizoram hian 2021 calendar an buatsaih a, order hmasa a zawh avangin order belh leh a ni a, member-te hrethiam hram turin an ngen. Calendar hi Aizawl khawpui chhung tan 9862367445, 9612225812 leh 9862647664-ah a order theih a, Aizawl khawpui pawn tan 8837008750 leh 9774924121-ah a order theih bawk.

Official member zawnna hi neih chhoh a ni dawn a; facebook, instagram leh twitter lamah enfiah theih a ni ang. Mizoram Football-in hma a sawn theihna tur kawngah pawh theihtawp chhuahin hmalak an tum a, hemi kawngah pawh hian hmunpui lamte pawh a theih ang angin dawr chhoh zel an tum a ni.