Mizoram Under 15 League

Mizoram Football Asso-ciation leh Tata Trusts buatsaih Mizoram Under 15 League a ngaihnawm chho zel a, inelna ṭan

hmaa team ṭha ber tura ngaih Tata Trusts COE-in Bawngkawn GSA 8-0 a sawpin hma an hruai leh ta.

Kartawp khan team ṭha pahnih Aizawl Grassroot Center leh Aizawl FC Academy an inkhel a, Grassroots-in 2-0 a hnehna changin AFC Academy nen point 25 ve ve an hmu chiah bawk.

M28 Football Academy, Republic Veng chuan Armed Veng club FC Stonzz chu 4-0 in an hneh a, inkhel dangah Chanmari FC leh Competitors for Christ te 1-1 a inhnehtawk.

Competitors of Christ hian phase 1-ah point hmu lo mah se round 10-ah M28 Academy an draw a, tunah Chanmari an draw leh bawk avangin semifinal lut tum team pahnihin table mawngphaha awm team lakah point an hloh ve ve a, league chanchin a tingaihnawm sawt.

Inkhel dangah Sihphir Venghlun-in Kanan FC 3-1 in an hneh a, semifinal lut thei zinga tel pha tura ngaih Kanan dinhmun a tichhe chiah bawk.

Round 11 - October 13, Inrinni
Bawngkawn GSA 0 - 8 Tata Trusts COE
COE : Rakesh Singh 13', 28', 45', 49', 60'; Bapen Yimyong 29', 30'; Lalruatmawia 38'
FC Stonzz 0 - 4 M28 Academy, Republic Veng
M28 : Rohlupuia 3'; Lalnunzira 5'; B. Rosangliana 30'; Wesley 37'
Competitors for Christ 1 - 1 Chanmari FC
CoC : Lalchhanhima (OG)
CFC : Samuel Vanlalhriatzuala 37'
Kanan FC 1 - 3 Sihphir Venghlun FC
KFC : R. Staposh 30'
SFC : Liansanglura 31'; Ramthianghlima 34' R.L.Rosanga 52'
Aizawl FC Academy 0 - 2 Aizawl Grassroot Center
AGC : Hmingchungnunga 15'; Francis Vanlaldika 25'