Shanghai-ah Federer a tlawm

Roger Federer chu Borna Coric hneh loin Shanghai Masters semifinal aṭangin a tla a, hetihlai hian Inrinni khan Novak Djokovic erawhin final a in vaw kai thung.

Grand Slam vawi 20 champion tawh Federer hi Coric lakah hian 6-4, 6-4 in a chak lo a, final a thlen zawh loh avang hian tun kara ATP ranking chhuak tharah chuan Djokovic-a'n pahnihna dinhmun a luahlan dawn a ni.

Semifinal lehlamah Serbian tlangval Djokovic hian world number 5 Alexander Zverev chu 6-2, 6-1 in a hneh a, German tlangval paltlang tur hian darkar khat vel bak a mamawh lo.

Kum 31 mi Djokovic hi tun hnaiah a zawnin match 17 a chak tawh, a chak tluan lai hian US Open leh Cincinnati Masters title a la. Wimbledon champion hi a chak loh hnuhnun ber chu August 10-a Rogers Cup third round daih tawh kha a ni.