Terence Crawford-a'n a kawnghren a humhim

WBO welterweight champion Terence Crawford chuan a champion kawnghren humhim turin Jose Benavidez Jr. chu nimin khan a hneh a, round 12-naah a knockout!

Round 12-na tawp nan minute khat chiah a awm tawh tihin Crawford hian a kut dinglam hmangin a khingpui hi 'uppercut' hmangin a 'khilai' a, Benavidez a ding zo lo.

Crawford chuan, "Hun rei tak chhung lo ṭawng reng tawh mai han ngawihtir hmak chu a nuam em em a ni," tiin a sawi.

Boxer pahnih an inhmachhawn hma hian Jose Benavidez a ṭawng tam a, Zirtawpnia inbukna an neih ṭum phei chuan Crawford hian amah ang thoa American boxer hi hnek a tum hial a, an inhnek zawhah a chibai loh tur thu a sawi bawk.

Vawi 34 inhnek a hmachhawn tawha la tlawm miah lo Crawford chuan, "Ka sawi ang ngeiin ka tih tur tak ka ti a ni. Ka knockout ngei dawn tih ka chiang a, nghah deuh a ngai tih chauh a ni.

"Kan khelh rei hnu khan a chau tawh hle tih ka hmu a, uppercut hmang khan ka hnek thlu thei ang tih ka hria a ni," tiin a sawi.