Germany boss Joachim a lawm

Nations League-ah Germany-in Ukraine 3-1 in an hneh a, inkhelh banah Joachim Low-a'n a khelh danah a lungawi thu a sawi.

Low chuan, "Ukraine hi khelh awlsam an ni lo tih kan hre vek. Chutichung chuan ṭan phat aṭangin kan khel ṭha zawk. Second half-ah erawh tihsual nei deuh mah ila ka player-ten hna an thawk ṭha em em a ni," tiin a sawi.

Germany tan Leroy Sane-a'n class zetin minute 23-naah siphurh sutna goal a khung a, Chelsea forward Timo Werner-a'n goal khung thei player a ni tih a lantir bawk. 

Joachim Low hote tan tun hi Nations League-a vawi hnih an chakna chauh a ni a, Ukraine ve ve an hneh. Germany vanneihna belhchhah turin Spain-in point an hloh a, pakhatna dinhmun an luah. 

Germany hian group match tawp berah Thawhlehni zan hian Spain an hmachhawn dawn a, point an hlawhchhuah chuan semifinal an lut dawn. Ukraine nen hian inliam vangin Toni Kroos a inlan lo a, Real Madrid midfielder hi La Roja nen chuan a inlan tawh ang.