Andrea Iannone hremna pawtsei

Infiamna lama thubuai ngaihtuahtu sang ber Court of Arbitration for Sport chuan Andrea Iannone hremna an pawt sei a, thla 18 chhung atana hrem a nihna chu kum li atan an ti sei!

MotoGP rider Iannone hian nikum November thla khan Malaysia rama an awm laiin damdawi hman phal loh a hmang tih hmuhchhuah a ni a, damdawi hman phal loh chungchanga endiktu WADA chuan thla 18 atan an hrem.

Italian tlangval hian hrem a nihna hi CAS hnenah a khing let a, tih tlemsak a nih a beisei vang a ni. Mahse a duh leh beisei ang chhanna a hmu lo, kum 31 mi a nih tawh avangin bike intlansiakna sang berah a hmel hmuh a beiseiawm tawh lo.

CAS chuan, "Andrea Iannone hian a thil tihah hian thiam a chang tih fiahna turin hmachhuan tur a nei lo, a ti lo a ni tih finfiahna hmuh tur a awm loh avangin WADA lamin an hremna hi kan thlawp," tiin an sawi.