Match khat atan Mourinho an hrem

Tottenham Hotspur manager Jose Mourinho chu European Football Association-in a hrem. European football inelnaah match khat chu a naute a kaihruai thei dawn lo tihna a ni.

October 29 khan Spurs hi Europa League-ah Royal Antwerp nen inkhel tur an ni a, an tlai avangin inkhelh hun a khaihlak. An tlai chhan an chhui chiannaah Mourinho hi mawhphurtua ngaih a ni, match khat hrem a nih bakah hian North London club hi pawisa an chawitir.

Belgian club lakah Spurs hi 1-0 in tlawm mah se group J-ah hmahruaitu an ni tho. An hmahruaina erawh a him bik lo, an hnuaia awm Antwerp leh Lask aia an sanna chu goal difference chauh a ni.