Virgil van Dijk a inhliam

International break-ah Liverpool fan-ten chanchin lawmawm an nei thei lo. Mohamed Salah inhliam thuin a den hnuah Virgil van Dijk inhliam thu an hre ve leh a, Netherlands captain hian zanin dar 12:15-ah Belgium an hmachhawn hunah ram ai a awh thei lo ang.

Dutch Football Association chuan thuchhuah siamin an defender hi Liverpool leh Southampton te September 22-a an inhmachhawn ṭuma a hliam kha a la dam chiang lo niin an sawi.

Van Dijk hliam hi engtia rei nge enkawl a ngaih dawn puanzar a ni lo a, rei tak chawlhpui tur erawh niin a lang lo.

Liverpool hian Inrinni zanah Huddersfield nen league match an khel dawn a, Salah leh Van Dijk tel loa an inlan a nih pawhin a mak lo ang.