Floyd nena inhnek duh Khabib

Conor McGregor a hneh hnuah Khabib Nurmagomedov a ngawi hleithei lo. Russian fighter hian sum tamna boxing lam a hawi a, Floyd Mayweather chu inhnekpuiah a cho!

Kum 30 mi fighter hian October 7 zing khan McGregor chu mixed martial arts-a a vawi 27 chakna ni turin a hneh a, MMA-ah a la tlawm ngai lo.

Las Vegas khawpuia a hneh tak McGregor hian August 2017 khan Mayweather a lo hmachhawn tawh a, American boxer hian round 10-naah Irish fighter hi a knockout.

Mahse, Mayweather a nih miau avangin fighter pahnihin sum an siam hnem a, McGregor hi khawvel mithmuhah mualpho mah se dollar maktaduai 100 chuang a hlawh chhuak a, Mayweather phei chuan dollar maktaduai 300 chuang a hlawh!

Khabib pawhin hei hi a hre ran a, Russian fighter chuan, "Floyd, kan inhmachhawn ngei a ngai a ni. 50-0 vs 27-0, tu hmaah mah la tlawm ngai lo ve ve kan ni a, kan inhmachhawnna tur hian engin nge min dal?" tiin zawhna a siam.

Nurmagomedov chuan sawi zawmin, "Mayweather khan McGregor kha a tluk tir thei lo a, keichuan ka tukdawl a, awlsam takin ka la ti zui. Kei hi Lal chu ka ni a, Lal pahnih a awm theih loh," tiin ring chhungah Mayweather nen engkim chinfel ka duh.

Mayweather hian Manny Pacquiao nen kumin kum tawp lamah an inhnek tur thu a lo sawi tawh a, mahse Khabib berin a cho takah chuan thil a danglam leh mai thei - Khabib a thusawina hi instagram lama a video 'post' a ni a, Mayweather Promotions chief executive Leonard Ellerbe nen an ding dun!