Katie Taylor a chungnung

Hmeichhe boxing-ah Katie Taylor-i'n hming a chher zel a, Inrinni zan khan The SSE Arena, Wembley-ah Miriam Gutierrez chu point hmangin a hneh.

Ṭan phat aṭangin Taylor hi a chungnung a, a khingpui Miriam Gutierrez hi vawi tam hnek fuh mah se a knockout lo. Kum 34 mi Taylor hian 100-89, 100-90, 99-91 in hnehna a chang a, WBC, WBA, IBF leh WBO lightweight belt a kawl chhunzawm ang.

Irish boxer Taylor hi vawi 17 a inhnek tawhah a la chak vek a, 2012 Olympic champion hian chet ranna hmangin inhnek a thunun a, kum 37 mi Gutierrez hian a hnek ve hman lo a ni ber.