India-in WI lakah series la

India chuan an mikhual West Indies chu test match vawi hnih­naah pawh an sawp nawn a, 2-0 in series an la.

Hyderabad-ah October 12 aṭang­­in test match vawi hnihna hi khelh ṭan a ni a, ṭhumvawrah mikhual West Indies chakin bat hmasak an thlang. WI batting order lam chesual mah se Roston Chase (106 runs) century leh Jason Holder half century (52) hmangin 311 runs an tlin.

India tan century siam awm lo mah se Prithvi Shaw (70 runs), Ajinkya Rahane (80) leh Rishabh Pant (92) ten run an siam ṭha a, run 367 an vaw chhuak.

West Indies innings vawi hnihnaah innings hmasa zawka wicket ruk latu Umesh Yadav-a'n wicket li a la nawn a, test vawi hnihnaah hian wicket 10 lai a la. Mikhual team hi run 127 chauh siamin an thi fai vek.

India bat hun a thleng a, KL Rahul leh Shaw ten thi loin run 33 ve ve an siam a, extras run 9 nen run 75 siamin an target an umpha der. Men in Blue-in an mualah West Indies wicket 10-in an hneh.

India leh West Indies te hian October 21, Pathianniah Barsapara, Assam-ah ODI match nga an khelh tura a hmasa ber an khel ang.