Thunder coach thar Daigneault

NBA team Oklahoma City Thunder chuan Mark Daigneault chu an coach thar a nih thu an puang, kum 35 mi Daigneault hian Chicago Bulls pantu Billy Donovan hmunruak a luah.

Daigneault hian basketball inelna hniam zawk G League lamah Thunder hi season nga zet a enkawl tawh a, season hmasa khan senior team tan assistant a ni a, inelna sangah pawh tawnhriat a nei tawh.

Daigneault chuan, "Billy khan Thunder kaihhruaina kawngah thil chi hrang hrang min ziritir hman a, ka chunga a thil tihte avangin ka lawm hle. Ani min kaihhruaina vanga senior team enkawl thei tur hi ka ni," a ti.

Thunder general manager Sam Presti chuan, "A chungah rinna kan nghat ngam, theihna nei sang leh mi hneh thei tak a ni. A fingin a remhre em em bawk," tiin an coach thar Daigneault lakah beisei an neih san thu a sawi ve bawk.

Season hmasa khan Thunder hi regular season-ah pangana niin Western Conferencer aṭangin playoff an khel phak. Mahse playoff-ah hian Houston Rockets chu 4-3 in an ngam lo - season tharah beiseina nen an inlan ang.