Hmel thar an langsar

MPL7 goal khung thei zingah mi thar an awm nuk a, goal ruk khunga top scorer dinhmun hauh mektu David Lalchhuanawma pawh MPL-ah mi thar ni tawh lo mah se striker hna a chelh hnuah tun hi a season khatna chauh a ni.

Salem Veng tlangval David-a hian Electric Veng tan khelin match sarih aṭangin goal ruk a khung a, Chanmari FC forward Lalnunzama leh Chawnpui FC midfielder Vanlalthanga ten goal nga ve ve khungin an dawt. Khelo India best player Zama hian match nga chhung a zawna a goal a khung hnuah match hnih chhung goal a khung tawh lo a, Hualngohmun tlangval Thanga pawh Lammuala match thum a zawna a goal a khung hnuah Serchhip-ah goal a khung lo.

MPL7-ah hian goal 74 a lut tawh a, match 28 khelh ni tawhin match tina 2.64 goal lut zel ang a ni a. Round 7, Serchhip-a khelh nih khan goal 13 a lut a, round khata goal luh tam ber ṭum a ni a, team tam zawkin loh theih loa attacking football an khelh a ṭul chhoh ṭan avangin goal tam zawk a luh chhoh zel a rinawm bawk.

Hming Club Goals
David Lalchhuanawma Electric Veng 6
Lalnunzama Chanmari FC 5
Vanlalthanga Chawnpui 5
Isak Vanlalpeka Electric Veng 4
F. Lalremsanga Aizawl FC 4
Alfred Kemah Jaryan Aizawl FC 3
MS Dawngliana Chhinga Veng 3
Lalromawia Chhinga Veng 2
Lalfakzuala Mizoram Police 2
Laldinliana Varte Bethlehem VT 2
Lalliansanga Ramhlun North 2
Mark Zothanpuia Chanmari FC 2
PC Vanlalhruaia Bethlehem VT 2
Lalrinfela Aizawl FC 2
Lalramtharmawia Mizoram Police 2
C. Lalrintluanga Bethlehem VT 2
F. Lalrinpuia Mizoram Police 2
David Laltlansanga Chawnpui 2
Lalrammawia Chhinga Veng 2
Lalkhawpuimawia Aizawl FC 2