India tan Panwar-a'n medal a la

Youth Olympic Games neih laiah India rawlthar Suraj Panwar chuan 5000m in kal (walk) siakah silver medal a hlawh chhuak, Thawhṭanni zana pahnihna a nih hian India chuan athletics huangah medal a la ve chiah a ni.

Inelna chi khat 5000m in kal siak hi round hnih neih a ni a, Panwar hian hun a hman belhkhawm chu minute 40 leh second 59.17 a ni a, gold medal latu Ecuador rawlthar Patin Oscar aiin minute sarih chuang deuhin hun a hmang hnem zawk.

Buenos Aires, Argentina-ah hian ram hrang hrang 206 aṭangin infiammi 3,997 an kalkhawm a, nimin tlai thleng kha chuan gold medal 24 latu Russia chu a chung berah an awm. India chuan a pumpuiah medal 11 la tawhin 13-na dinhmun a luah mek a ni.

Rank Nation Gold Silver Bronze Total
1 Russia 24 15 9 48
2 China 16 7 9 32
3 Japan 13 7 12 32
4 Hungary 12 6 4 22
5 Mixed-NOCs 11 11 11 33
6 Italy 10 8 11 29
7 Argentina 9 5 6 20
8 Iran 6 3 1 10
9 Ukraine 5 4 6 15
10 Australia 4 7 3 14
11 United States 4 6 6 16
12 France 3 12 6 21
13 India 3 8 0 11