ISL - Zaninah ṭan leh dawn

International break hman zawh a nih hnuah Indian Super League pawh khelh ṭan a ni leh tawh dawn a, zanin dar 7:30 hian Delhi Dynamos chuan ATK an mikhual ang.

Delhi club hian match khat chiah la khelin Pune City nen an inhnehtawk a, ATK-in match hnih an khelh tawhah an la tlawm ve ve thung - coach thar Steve Coppell hoin beisei an la phak rih lo hle.

ATK-in Mizo pali Lal­­hmangaihsanga Ral­te (Sena Ralte), Ric­ky Lal­lawmawma, Mal­­sawmzuala leh H. Lalmuan­kima te an kawl a, Sena leh Ricky tih loh erawh Kolkata club tan an la inlan lo.

North Mualcheng tlangval Sena hian NorthEast United nen an inkhelh ṭumin red card a hmu a, zaninah Delhi Dynamos a hmachhawn thei lo ang.

Delhi club-in Lallian­zuala Chhangte leh Da­niel Lalhlimpuia te an kawl a, Lianzuala'n hmun pawimawh a chan chhun­zawm beisei ni mah se Serchhip striker Daniel erawh hliamin a tibuai a, a inlan a la beiseiawm loh.

Team Dinhmun
# Team Pld W D L GF GA GD Pts
1 Goa 2 1 1 0 5 3 2 4
2 Jamshedpur 2 1 1 0 4 2 2 4
3 Kerala Blasters 2 1 1 0 3 1 2 4
4 Bengaluru 2 1 1 0 3 2 1 4
5 NorthEast United 2 1 1 0 3 2 1 4
6 Delhi Dynamos 1 0 1 0 1 1 0 1
7 Pune City 1 0 1 0 1 1 0 1
8 Mumbai City 2 0 1 1 1 3 -2 1
9 Chennaiyin 2 0 0 2 1 4 -3 0
10 ATK 2 0 0 2 0 3 -3 0