MSL5 Tip Off

Mizoram Super League Season 5 chu zanin dar 7:30 hian Siby Farms-ah C. Laltlanthanga, MSSC secretary in a khuh hawnna a nei ang.

Mizoram chhung basketball inelna sang ber MSL5 hi October 23-a khelh ṭan tur a ni a, MSL club-te jersey hi Marvel kut chhuak a ni dawn a, zanin hian tlangzarhna neih nghal a ni ang. Marvel hi Anchi Apparels Pvt. Ltd. hnuaia mi a ni a, New Delhi-a hmunpui nei a ni.

Tip Off-ah hian MSL5 Handbook chu GIG Motors neitu John Lalpeka'n a tlangzarh ang a, match commissioner KC Lalliantluanga kaih-hruaihna hnuaiah oath taking neih a ni ang a. Mizo zinga national team enkawl thei hmasa ber H. Laldinsanga kawmna hun a awm bawk ang.

Kumin inelna hi Octo-ber 23 leh December 14 inkar chhunga khelh tur a ni a, club paruk champion lai Zarkawt BCA, Khatla TBL, Mission Veng Vikings, Tuikual South, BC Bethlehem leh Zarkawt Serpents te an inel ang.

League round-ah hian vawi khat ṭheuh an inkhel kual ang a, heta sang pali hian November 22 leh December 6 chhungin semifinal an khel ang a, final hi December 11-14 inkara khelh a ni leh ang.