Chennaiyin tan insiamṭhat hun

Indian Super League champion lai Chennaiyin FC-in zanin dar 7:30-ah insiamṭhatna remchang an nei dawn a, NorthEast United an mikhual dawn.

Chennaiyin hian beisei loh ang takin season bul an ṭan a, match hnih an khelh tawhah an tlawm ve ve! NorthEast United erawh season dang ang lo takin bul an ṭan ṭha a, match hnih an khelh tawhah point li an nei.

Thawhchhuah tum team leh khelh ṭhat tluan tum team pahnih an intawng dawn a, inkhel a hmuhnawm ang.

Chennai club beisei phak rih loh chhanah Jeje Lalpekhlua chu puh theih a ni a, Chennaiyin lamin chet ṭhat an duh chuan Mizo tlang­valin a hunṭha neihte a chhawr thiam a ṭul tawh ang.

Chennaiyin hian Jeje bakah Zohmingliana Ralte, Jerry Lalrinzuala, Isaac Vanmalsawma, Laldinliana Renthlei leh Zonunmawia te kawl mekin ISL club-a Mizo kawl hnem ber an ni mek.

NorthEast United hian Robert Lalthlamuana, Lal­rem­puia Fanai leh K. Lal­ṭha­thanga te an kawl mek thung.