Kane-a'n a hmalam hun la tichiang lo

Tottenham Hotspur chuan zanin dar 1:00 hian Burnley an hmachhawn dawn a, Manchester City laka goal hnih khungtu Harry Kane a langsar ang.

Kum 28 mi Kane hian nipui bazar khan Etihad Stadium a pan teuh hle. Amaherawhchu, Tottenham-in England captain hi an chelh a, Antonio Conte awm hnuah Kane hi London club-ah a hlim.

Spurs pawhin English striker hi contract thar ziahpui an duh a, Kane erawhin February leh March thlaah a hmalam hun chungchang a la ti chiang dawn lo.

Conte hote hi season thara Champions League khelh phak tumin hma an la mek a, Burnley lakah Man City laka chet ṭhat chhunzawm an tum ang.

Chutihrualin Burnley hi relegation zone-a an awm avangin tawh an khirh dawn a, Clarets hian an match hnuhnung berah pawh Brighton & Hove Albion 3-0 in an hneh.