Kidambi Srikanth a chak phawt

Badminton world number 6 Kidambi Srikanth chuan harsatna nei loin Denmark Open a match hmasa berah hnehna a chang a, Indian shuttler hi a match lehpekah chuan Chinese legend Lin Dan nen an intawng ang.

Nilaini zan inkhelah Srikanth hian hnehna chang turin minute 35 bak a mamawh lo, Hans-Kristian Solberg Vittinghus chu 21-16, 21-10 in a hneh. Srikanth tan a hmabak hi a hautak dawn; Lin Dan nen nen vawi li an intawnah vawi thum a tlawm a, 2014 China Open-ah erawh Srikanth hian an khawtualah ngei a lo ngam tawh.

Mipa singles lama result ṭha a awm laiin, Indian women’s doubles pair Meghanna Jakkam­pudi leh S Ram Poorvisha te chu 17-21, 11-21 in Swedish shuttler Emma Karlsson leh Johanna Magnusson te lakah an tlawm.

Ashwini Ponnappa leh N Sikki Reddy te erawh chuan American team Ariel Lee leh Sydney Lee te ṭang­dun lakah 21-7, 21-11 in hnehna an chang ve thung a ni. Indian shuttler zingah PV Sindhu chu a match hmasa berah a tla tawh a, world number 1 hlui Sai­na Nehwal erawh second round a lo in vaw kai tawh thung a ni.