ATK lakah Delhi an tlawm

Indian Super League-ah ATK-in match thum an chak zawh loh hnuah chak hmel an hmu ve ta a, an mikhualna ramah Delhi Dynamos chu 2-1 in an hneh.

Kolkata club tan Bal­want Singh chuan goal hmahruai a khung a, Delhi tan captain Pritam Kotal chuan an siphurh sut mah se hun tawp nan minute ruk chauh a awm tawh tihin Maimouni Noussair chuan ATK chakna goal a khung.

Delhi tan Lallianzuala Chhangte chuan minute 90 a khel tluan a, ATK tan Ricky Lallawmawma chu minute 90 chhung a khel ṭha viau bawk. Aizawl FC midfielder hlui Jayesh Rane chu minute 70-naah luhtir a ni a, an goal hnihna hi a thawhchhuah a ni.

Zanin dar 7:30-ah Maharashtra Derby khelh a ni dawn a, Mizo awm lohna Mumbai City chuan Lalchhuanmawia Fanai leh Jakob Vanlalhlimpuia te khelhna Pune City an mikhual ang.