UEFA-in PSG leh Red Star a chhui
European football thuneitu sang ber UEFA chuan Paris St-Germain leh Red Star Belgrade ten Champions League group match an khelh ṭuma fans buaina chhuak chu a chhui chiang mek.
October 3 khan PSG hian 6-1 in Serbian club hi an hneh a, UEFA-in fans hnena ticket hralh an remti lo chungin Red Star fans hi 1,000 chuang an pungkhawm tho; inkhelah buaina a chhuak zui - club pahnih hian dan an bawhchhiat dana zirin hremna hmachhawn thei dinhmunah an ding.
Fans buaina bakah buaina dang a la awm. French chanchinbu lian L'Equipe chuan he inkhelah hian Serbian club hi goal nga china chak lo turin thamna an dawng niin an sawi; thamna hi pound makatduai 4.4 a nih thu thlengin an sawi bawk.
He thil thleng avang hian French National Finance Prosecutor (PNF) chuan match fixing a awm em tih chu a chhui mek bawk a, dan an bawhchhe ngei a nih chuan hremna na leh hautak zawk an hmachhawn thei dawn a ni.