James awmna Lakers an chak lo

LeBron James-a'n nimin zing khan Los Angeles Lakers tana NBA regular season match hmasa ber a khel a, minute thum a khel tling hman lo tihah Trail Blazers lam ball chan lai chhuhsakin thui tak a tlanpui hnuah dunk ropui lantir mah se 128-119 in an chak lo.

American star James-a'n point 26 a score bakah rebounds vawi 12 a la a, match hmasa berah khel chhe lo mah se hnehna chanpui atan a tawk zo lo a ni. An match hnihna atan Pathianni zing dar 8:00 hian Houston Rockets an hmachhawn leh ang.

Kum 33 mi James chuan, "Team inpawh tlang taka awm tur chuan hun kan mamawh a, player tinin kan theihna chin kan hriatchian hmasak a ngai. Hun a kal deuh ang a, teamṭha tak kan indin theih ka beisei," a ti.