Ronaldo - 400 not out

Cristiano Ronaldo chu Europe-a league sang pangaa goal 400 khung tling thei hmasa ber a ni. Portuguese forward hian Inrinni zan khan Juventus goal awmchhun khung mah se Genoa nen 1-1 in an inhnehtawk.

Season ṭantirh goal khung theih loh vangin Ronaldo an sawisel nachungin Serie A-ah goal a nga a khung tling der tawh a, hemi hma hian Premier League-ah Manchester United tan goal 84 a khung tawh a, La Liga-ah Ream Madrid tan tan goal 311 a khung bawk.

Minute 18-naah Joao Cancelo ball pet an dan per chu Ronaldo-a'n goal-ah a chantir a, hemi hma hian goal ban a tauh per. Juventus hian inkhel an thunun nachungin minute 67-naah an chesual a, corner turin ball a out tawh emaw an tih hnuah Christian Kouame chuan lalutin a cross ball chu Daniel Bessa-a'n a tauh lut.

Juventus-in a vawi khat nan chak hmel an hmu zo lo a, match kua khelh aṭangin point 25 an hmu a, hmahruaitu erawh an la ni chhunzawm zel. Ronaldo hnaih bertu Lionel Messi pawhin Sevilla 4-2 a an hneh ṭumin goal khungin La Liga-ah goal 390 a khung ve tawh bawk.

Ronaldo telna Juventus hian Thawhlehni zan dar 12:30 hian Champions League-ah Manchester United hmachhawn turin Old Trafford an tlawh ang.