Aizawlah AIFF D License Course

Mizoram Football Association chuan November 12-17, 2018 chhung hian Aizawlah AIFF D License Coaching Course a buatsaih dawn.

October 22 chhun dar 12:00 atangin dilna form MFA Office-ah Rs 50/- in lak chhuah theih a ni ang a, November 6, 2018 thleng thehluh theih a ni ang. Diltu aṭangin mi 24 thlan chhuah an ni ang.

Course instructor tur chu Pradhym Reddy a ni dawn a, ani hi Shillong Lajong coach hlui, Bengaluru FC assistant coach a nih hnua tuna ISL club FC Pune City-a assistant coach a ni.

He coaching course-a tel tura thlan chhuahte chuan course fee Rs 5,000/- an pek a ngai ang. Heng zinga Rs 1200/- hi AIFF-ah thawn tur a ni a, a bak zawng hi course kalpuina tur - jersey (pahnih), zirlaibu, ball leh equipment dang, ei leh in atan hman a ni ang.

Mipa leh hmeichhia, football coaching lama bul ṭan duhtu tu pawhin a dil theih a. Hriat belh duh nei tan, Samson Ramengmawia, MFA Development Officer (Phone 9436150249) biak pawh theih a ni.