India U15 Team-ah Mizo rawlthar paruk

India aiawha SAFF CUP Under 15 khel turah Mizo rawlthar paruk thlan a ni a, October 26 aṭangin Nepal-ah khelh ṭan a ni ang.

Mizoram Under 15 League hlawhtlinna a lang nghal a, Tata Trusts COE aṭangin TC Vanlal-ruatfela leh Aizawl FC Academy aṭangin Lalchhanhima Chhawnghlut te chu thlan zingah an tel. FC Stonzz captain Lalbiakliana Jongte, Armed Veng South rawlthar erawh standby-ah a awm thung.

Player dang pali hi Lunglei district-a mi vek, ram pawn academy-a awm an ni.

P. Lalrampana, Samuel Lalrin-sanga leh Lalpekhlua Jongte-te chu SAIL Academy chhuak an ni a, Bengaluru FC aṭangin Fredy Chawngthansanga a tling bawk.

India hi group B-ah Bhutan leh Pakistan nen an awm ho a ni. October 26-ah Pakistan an tum ang a, October 30-ah Bhutan an hmachhawn leh ang.

India U15 Team-a Mizo awmte chu
# Hming Veng/Khua Position Academy/Club
1 TC Vanlalruatfela Electric Veng, Lunglei Forward Tata Trusts COE
2 Lalchhanhima Chhawnghlut Chite Veng, Aizawl Midfielder Aizawl FC
3 P.Lalrampana Ramthar, Lunglei Right Back SAIL
4 Samuel Lalrinsanga Bazar Veng, Lunglei Midfielder SAIL
5 Lalpekhlua Jongte Ramthar, Lunglei Midfielder SAIL
6 Fredy Chawngthansanga Cherhlun Midfielder Bengaluru FC